三歲

明天便是小凱喬的三歲生日了, 我現在開始明白為什麼媽媽們總愛在小朋友生日當天 “話當年”, 原來人總難免回想過去的, 我亦記起當年情況: 當年的我呆在家中已經二個星期了, 等得好不耐煩, 硬要好友和我一起外出行街, (當然老友其實係好驚同怕左我), 而且仲約好左時間及地點的, 而最後我自己就走左去生仔, 而好友亦因致電給我無人接聽, 就知道我是生仔去也! J

凱喬很乖, 我很幸運用了好短時候便把她生下來, 正是: 痛是必然, 問題是多久! 而事實上, 我只痛了7個小時(感謝神!) 還記得好友問我痛嗎, 我答道: 好x痛, 好x痛, 好x痛! 其實我到這一刻還記得是怎麼的痛!! 不過一切都過去了, 而且, 政府醫院的服務及設施還真真不錯. 只是同房的媽媽就….如果她們能小出聲多睡覺便好了!

其實我們已經一早和凱喬慶祝了, 我只是買了一個 lego 送給她, 但是我好似買大左, 我買了 4+ 的lego給她，她根本砌不了，或許我要多買一盒２－５歲的給她呢！生日會方面，因為學校已經同佢做左一次，又有魔術師表演，又有大大盒生日禮物，仲有“輕”汽球同生日卡，我覺得都好夠，所以其實各方好友都有要求好想參加凱喬的生日會，但我覺得人仔細細真係唔好搞咁多野，所以都只是在家簡單切ｃａｋｅ就算了．反而生日正日我們會和爺爺他們到“廸士尼酒店”吃下午茶，伯伯去過大力推介啦！

我們的十二年

一轉眼我們一起了已經十二年了, 忽發奇想, 十二年的我倆會否像命盤一樣有一點點轉變? 例如工作上或環境上? 希望，希望，我倆會再進步一點, 不求大富大貴, 只求安穩快樂!

可以的話, 希望多一位新成員呢!

中秋節

中秋節

今年中秋, 我們和伯伯姑媽一起過, 因為我們星期日已經和婆婆預早做節, 所以可以到沙田去玩燈籠及螢光棒!晚飯後我們到了沙田艾公園, 嘩 ! 人山人海! 加上極熱的天氣, 我們前後玩了差不多一個小時便回家了!不知為何, 凱喬很喜歡藍色, 但凡是藍色的公仔, 例如叮噹, thomas, 史妯仔 等等都喜歡, 選購燈籠時她亦十分苦惱! 最後今年由史妯仔勝出!

家訪

小凱喬的學校要進行家訪, 是為了了解學生在家的表現及認識不同學生的居住條件，老師於星期六早上到來, 為此, 婆婆特地準備了西餅及飲品等等。至於凱喬嘛, 早上八時多已到了我房問: 為什麼李老師未到? 我着她準備好玩具和老師玩, 還有, 最重要最重要她十分喜歡的欖枕, 要介紹李老師認識呀!　

老師準時到達, 小凱喬有一點點的驚 (我不明白驚什麼? 天天見啦已經!) 最後不停的不停的和老師說話, 介紹她的動物朋友啦，欖枕的使用方法等等。到最後老師對我說: 凱喬原來有好多野講架喎! 佢平時係學校唔出聲架! 無咁多野講架! 而家我先聽到佢咁多野講既! 但同時老師亦發現喬喬有很多發音不準, 我一直以為是bb話，大個會自然好既，但老師說其實可以早一點去治理．而且同齡的小朋友已經可以清楚發音．所以可以寫信轉介凱喬去健康院跟進，對此我們當然表示歡迎啦！（最後我和爸爸發現凱喬的問題係“個口唔打開”，師，叔叔，色等字全部唔得）

另外，老師表示K.2和K.3都會有家訪，一班３０人，老師，辛苦你了！

總的來說，我挺滿意凱喬的幼稚園！老師全部都比我有愛心!

喊

小凱喬上學已經一個星期了， 她不是太享受上課的時光，老師告訴我她上課沒有哭, 但, 我昨晚睡前和她傾計, 她終於開口講佢上課的事了! (她開課一個星期回來很小提及上課的事)她說: 「我返學呀~ 喊喊呀 ─ 不過呢, 我呢, 好細聲好細聲咁喊架, wuwuwu, 老師同我拌眼淚呀, 好小好小既, 之後無喊喇!」 聽完心都實埋。我心想是真的嗎? 老師明明話你無喊架? 不過我都話: 嘩, 你好叻叻呀, 只係喊小小咋! 你明天返學唔好喊喊啦! 學校好開心好好玩架, 又有玩具又有同學, 仲有野食又有小天使同你一齊! 你唔駛驚架!

之後我問佢, 你明天想唔想返學呀? 佢搖頭, 佢仲同我講我同你交換啦. 我返工, 你返學啦! 我講: 返工老闆成日惡惡媽媽架, 你唔驚咩? 佢話驚.

總的來說, 小凱喬上學表現都可以啦, 只是她未適應, 上堂時既樣係好驚既. 而且一放學就好開心喇. 而且最令我擔心既係佢回家都唔會提學校既事! 希望佢慢慢慢慢會好d啦。要比多d 時間同佢傾下計啦!

上學日

終於開學喇! 根據婆婆自己所講, 佢同喬喬倆位都睡得不好, 可能是(婆婆) 太緊張所致. 而我嘛, 當然睡得很香很甜啦. (我難得的大假呀!)

開學第一天, 穿上運動服的小凱喬踏上了她的第一步, 進入課室她雙眼只看見玩具! 但明顯地對老師們熱情的問好感到很不安, 很緊張呀! :) 她躲在我的身後, 又好奇地探頭出來看看! 而且又要抱住我, 但由於實在太想玩玩具, 我着她問問老師, 於是她鼓起勇氣, 為了玩具問問老師去. 於是她就是這樣和老師玩起來了! 及後她的情緒也穩定下來了!

學校一班有三十位小朋友, 有三位老師, 但當日只有幼兒班開課, 因此全校老師也來照顧幼兒班的新生, 課室裡盡是老師和家長! 好不熱鬧!

題外話: 她的學校有一個thomas 火車和叮噹轉轉杯! 放學時她第一句就同我講: 可唔可以玩 thomas? 於是她就第一個跑向thomas 火車玩得不亦樂乎! 很開心呢!

相信這2個玩具會在她的童年佔一個很重要的位置! 長大後亦會記得呢!

校服

她是熊貓組

Thomas & Friends!

爸爸也站在外面看了一小時的! 乖!

準備開學

距離小凱喬的開學日子只剩下數天, 作為母親, 說實在的, 有一丁點兒緊張, 但我說不出緊張什麼來. 鞋子買好了, 名牌也準備好了, 總覺得有什麼欠缺似的. 我想是太緊張了

由凱喬出世到現在合共3年, 很長亦很短, 回想起來, 由蝦米咁細, 牙牙學語, 到現在終日在家跑跑跳跳, 付出最多的, 除了父親母親, 便是婆婆了. 我對喬的期望, 除了要盡力讀書外, 便是要做一個乖小孩, 未必係人見人愛, 但只希望她是一個有教養的小朋友 很簡單亦很難呢.

而且, 我未必能夠給予你每樣事情亦最好, 因為我想你明白, 幸福及”最好”是要靠努力換取的. 而且, 最好就是最好嗎?